2025 жылғы 20 наурызда ҚР ОМ «Ұлттық ғылыми-практикалық дене тәрбиесі орталығы» РМҚК Сыбайлас жемқорлыққа қарсы іс-қимыл талаптарын сақтау мәселелері бойынша семинар өткізілді.

Күн тәртібіндегі сұрақ бойынша Орталық комлаенс-офицері  Б.Ж. Даулетбаева сөз алып, ҚР ОМ «Ұлттық ғылыми-практикалық дене тәрбиесі орталығы» РМҚК Сыбайлас жемқорлыққа қарсы іс-қимыл жөніндегі Ереже, Сыбайлас жемқорлыққа қарсы іс-қимыл жөніндегі Стандарт, Сыбайлас жемқорлыққа қарсы іс-қимыл жөніндегі Саясат, әдеп қағидалары талаптарының сақталуы, қызметкерлердің аталған Ережелер талаптарын қатаң сақтауы туралы түсіндірді.

Келесі болып заңгер А.Е. Оразбеков сөз алып, Орталықта ҚР Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы № 12 бұйрығымен бекітілген «Сыбайлас жемқорлық тәуекелдеріне ішкі талдау жүргізудің үлгілік қағидаларына» сәйкес, Орталық қызметінде сыбайлас жемқорлық тәуекелдерін, мүдделер қақтығысы көріністерінің алдын алуды анықтау мақсатында сыбайлас жемқорлық тәуекелдерін ішкі талдау жүргізілетіндігін, осыған орай, қызметкерлерді сыбайлас жемқорлыққа қарсы іс-қимыл жөніндегі ережелер талаптарын қатаң сақтауға шақырды.

Астанада ҚР Оқу-ағарту министрлігі Ұлттық ғылыми-практикалық дене тәрбиесі орталығының ұйымдастыруымен оқушылардың дене шынықтыру және алғашқы әскери дайындығы мәселелеріне арналған дөңгелек үстел өтті. Іс-шараға білім, қорғаныс, ішкі істер, төтенше жағдайлар, туризм және спорт министрліктерінің өкілдері, сондай-ақ ҚР Парламенті Мәжілісінің депутаттары, ҰҚК Шекара қызметінің, республикалық ғылыми орталықтардың, ардагерлер ұйымдарының, қоғамдық бірлестіктердің өкілдері, мамандандырылған оқу орындарының оқытушылары мен оқушылары қатысты.

Шараның негізгі мақсаты - әскерге шақырылушылардың дене шынықтыру және моральдық-психологиялық даярлық жүйесін жетілдіру бойынша ұсынымдарды талқылау және әзірлеу. Білім беру ұйымдарының әскери және спорттық құрылымдармен өзара іс-қимылы, дене тәрбиесінің заманауи әдістемелерін енгізу және болашақ әскери қызметшілердің психологиялық даярлық деңгейін арттыру мәселелеріне ерекше назар аударылды.

Сөз кезегін ҚР Оқу-ағарту вице-министрі Еділ Оспан бастап, өз сөзінде талқылауға шығарылған мәселелердің маңыздылығын атап өтті:
«Еліміздегі 6 миллионнан астам баланың тәрбиесіне, білім алуына және тұлға болып қалыптасуына барлығымыз жауаптымыз. Оның ішінде – 1 млн-нан астам мектеп жасына дейінгі бала, 4 млн-ға жуық оқушы, 800 колледждің студенті бар. Бүгінгі күн тәртібі өте өзекті, өйткені жастардың физикалық дайындығы және олардың Қарулы Күштер қатарында қызмет етуге даярлығы мәселелері еліміздің қорғаныс қабілетін қамтамасыз етудегі басты мәселелердің бірі және солай болып қала береді»,-деді Еділ Оспан.

Шарада ҚР Қорғаныс вице-министрі Шайх-Хасан Жазықбаев оқушылардың әскери-патриоттық тәрбие мәселелерін, сондай-ақ осы бағыттағы өз идеяларын ұсынды. Алғашқы әскери дайындық сабағына қатысты болатын өзгерістерге тоқталды. Дене шынықтыру сабақтарын ұйымдастырудың проблемалары мен перспективалары туралы ҚР Оқу-ағарту министрлігі Ұлттық ғылыми-практикалық дене тәрбиесі орталығының бас директоры Арман Ташметов, ал оның орынбасары Аркен Ташубаев орталықтың ҚР Қорғаныс министрлігімен бірлесіп жүргізіп жатқан жұмысы туралы айтып берді.

Дөңгелек үстел қорытындысы бойынша оқушылардың моральдық-психологиялық даярлығын жақсарту, білім беру мекемелері, спорттық ұйымдар мен әскери құрылымдар арасындағы ынтымақтастықты нығайту, сондай-ақ оқушыларға әскери-патриоттық тәрбие беруді одан әрі дамыту үшін практикалық бастамаларды әзірлеу бойынша ұсынымдар қалыптастырылды.

24 ақпан күні Астана қаласында ҚР Оқу-ағарту министрлігінің Ұлттық ғылыми-практикалық дене тәрбиесі орталығының «Binom School» мектебінің ұстаздарымен кездесуі ұйымдастырылып, «Тоғызқұмалақ» ойынының ережесімен таныстыру іс-шарасы өткізілді. Іс-шараға «Binom School» басқарушы компаниясының директоры Кадырова Шолпан Маратқызы, ҰҒПДТО., Дене шынықтыру саласындағы ғылыми-зерттеу қызметі зертханасының мамандары Мақсат Есенбекұлы Шотай және Бисембаева Айгүл Сейітмұратқызы қатысты.

Ұлттық ғылыми-практикалық дене тәрбиесі орталығының 25 жылдығына арналған турнирге Қазақстанның бірнеше өңірлерінен 53 дарынды жас шахматшылар жиналды.

Ұлдар арасында:
🥇 Құсайын Алтынбек (Павлодар обл.)
🥈 Ахмет Сүлейман (Павлодар обл.)
🥉 Даиров Дарын (Алматы)
Қыздар арасында:
🥇 Абылай қызы Бибісара (Жамбыл обл.)
🥈 Наурызбай Аяна (Жамбыл обл.)
🥉 Мұхамбет Айлин (Маңғыстау обл.)

Жеңімпаздар ақшалай сыйлықтарға ие болып, Сербиядағы жазғы гимназияда ойындарында Қазақстан намысын қорғайды!
Жас шахматшыларды құттықтаймыз және оларға жаңа жеңістер тілейміз!