СІЗДЕ СҰРАҚТАР ҚАЛДЫ МА? СІЛТЕМЕ БОЙЫНША ӨТІҢІЗ
«Бес табан» және «Бес асық» ойынынан республикалық жарыс өтеді
- Қаралды: 85
Қазақстан Республикасы Оқу-ағарту министрлігінің Ұлттық ғылыми-практикалық дене тәрбиесі орталығы және ҚР Асық ату федерациясының ұйымдастыруымен 9-11 сынып оқушылары арасында «Бес табан» және «Бес асық» ойынынан республикалық жарыс өтеді. 
«Алтын сақа» республикалық олимпиадасы шеңберінде Астана қаласында 2023 жылғы 8-9 желтоқсанда өтетін республикалық жарысқа Астана, Алматы қалалары және еліміздің басқа да өңірлерінен 14 команда қатысуға өтінім берді.Бүгін Орталықтың бас директоры Садықов Сағдат Кәбірұлы жарысты өткізу мәселелері бойынша Федерацияның бас хатшысы, баспасөз қызметінің жетекшісі Тасқалиев Мусағали Сабырғалиұлымен кездесті.
Сонымен қатар, Олимпиада аясында «Асық ойыны – ұлттық спорт түрлерінің әліппесі» тақырыбында дене шынықтыру педагогтеріне арналған республикалық семинар өтеді. Айта кетейік, жарысқа 9-11 сынып оқушыларынан құралған облыс құрамалары қатысады. Команда құрамында 6 оқушыдан (3 ер бала, 3 қыз бала) болады.
Жеңімпаздар Ұлттық ғылыми-практикалық дене тәрбиесі орталығының медаль, дипломдарымен марапатталады.