Қазақстан Республикасы Оқу-ағарту министрлігі «Ұлттық ғылыми-практикалық дене тәрбиесі орталығының» ұйымдастыруымен 2022 жылғы 3 қазан - 9 желтоқсан аралығында бюджеттік негізде дәстүрлі форматта Қазақстанның барлық өңірлерінде орта білім беру ұйымдарының дене шынықтыру мұғалімдеріне арналған «Дене шынықтыру мұғалімінің кәсіби құзыреттілігі мен дағдыларын дамыту» тақырыбында біліктілікті арттыру курстары өткізді.

80 академиялық сағат көлемінде қазақ - орыс тілдерінде өткен курста жалпы 1630 мұғалім қамтылды.

Білім беру бағдарламасы педагогтердің пәндік саладағы кәсіби шеберлігін арттыруға бағытталған. Курстан өткен ұстаздарға мемлекеттік үлгідегі сертификат берілді.

Егер біздің курсқа қатыссаңыз, ұсыныс-пікіріңізді жазып қалдыруды сұраймыз!