Қазақстан Республикасы Оқу-ағарту министрлігі Ұлттық ғылыми практикалық дене тәрбиесі орталығының ұйымдастыруымен дене шынықтыру мұғалімдерінің біліктілігін арттыру курстары өтуде.

Жыл соңына дейін Қазақстанның барлық аймағынан барлығы 1610 мұғалім курста білімдерін жетілдіреді. Бүгінгі таңда 14-25 қараша аралығында Алматы, Атырау, Ақмола облыстарында курс аяқталып, мұғалімдерге сертификат табысталды.

ДЕНЕ ШЫНЫҚТЫРУ МҰҒАЛІМІНІҢ КӘСІБИ ҚҰЗІРЕТТІЛІГІ МЕН ДАҒДЫЛАРЫН ДАМЫТУ тақырыбындағы біліктілікті арттыру курсының модульдері

1. Нормативтік құқықтық модуль
2. Психологиялық-педагогикалық модуль
3. Білім беру сапасын арттыру контексінде оқытудың мазмұны мен әдістерін жетілдіру, дене шынықтыруды оқытудың заманауи технологиялары
4. Денсаулық жағдайында ауытқулары бар және ерекше білім беру қажеттіліктері бар оқушылардың дене тәрбиесі
5. ІТ құзыреттілік
6. Вариативтік модуль

Барлығы: 80 сағат

29 сағат дәріс

43 сағат практика

8 сағат шеберлік сабақ

28 қараша - 9 желтоқсан аралығында Батыс, Шығыс, Қостанай, Маңғыстау облыстарында курстың соңғы легі өткізіледі. Курсқа тіркелу үшін жергілікті білім басқармасына өтінім беру керек.