ҰЛТТЫҚ ҒЫЛЫМИ-ПРАКТИКАЛЫҚ ДЕНЕ ТӘРБИЕСІ ОРТАЛЫҒЫ МЕН М.ӘУЕЗОВ АТЫНДАҒЫ ОҢТҮСТІК ҚАЗАҚСТАН УНИВЕРСИТЕТІ ӨЗАРА ЫНТЫМАҚТАСТЫҚ МЕМОРАНДУМҒА ҚОЛ ҚОЙДЫ.

Қазақстан Республикасы Оқу-ағарту министрлігінің «Ұлттық ғылыми-практикалық дене тәрбиесі орталығы» РМҚК атынан әрекет ететін Бас директор С.К.Садыков пен «М.Әуезов атындағы Оңтүстік Қазақстан университеті» КеАҚ атынан қ әрекет етуші Басқарма-төрағасы ректоры, тарих ғылымдарының докторы, профессор, Қазақстан Республикасы Ұлттық ғылым академиясының академигі Д.П.Қожамжарова тікелей әрі өзара тиімді ынтымақтастықты орнату үшін меморандумды жасасты.

Тараптардың арасында спорт және дене шынықтыру саласындағы ынтымақтастықты өзара түсіністік пен достықты нығайту құралы ретінде ұйымдастыруға және одан әрі дамытуға, спорт білім алушылардың денсаулығын қамтамасыз етудің негізгі кепілі болып табылады деген түсінікке сүйене отырып, спорт саласында достық қатынастарды нығайту, спортшыларды даярлауда бірлескен жұмысты ілгерілету, спорт саласында кадрларды даярлау және кәсіби бағдар беру, жоғары оқу орны студенттері үшін білім алу мүмкіндіктердің теңдігін қамтамасыз ету, ғылыми зерттеу жұмыстарын жүргізу болып табылады.

Осы меморандум тараптары арасындағы бірлескен бағдарламалар мен жобаларды жүзеге асыру мақсатында ынтымақтастық шарттарды реттейді.