Ұлттық ғылыми-практикалық дене тәрбиесі орталығының бас директоры Садықов Сағдат Кәбірұлының төрағалығымен аймақтық дене тәрбиесі орталықтары басшыларымен, әдіскерлерімен zoom платформасында жиын өтті.

Мәжілісте мектеп оқушылары арасындағы Ұлттық мектеп лигасы, колледж студенттері арасындағы Ұлттық спорт лигасы, ЖОО студенттері арасындағы Студенттер лигасы мәселелері талқыланды.

С.Кәбірұлы қыркүйек-қазан айларында өтіп жатқан мектеп лигасының 1-кезеңі мектепішілік іріктеуге ерекше көңіл аударуды тапсырды. Еліміздің барлық мектептерінде оқушылар мен ата-аналарды тарта отырып, спорт түрлерінен лига өткізу және мектепішілік салтанатты ашылу рәсімін ұйымдастыру керектігін айтты.