Қазақстан Республикасы Білім және ғылым министрлігінің ұйымдастыруымен өтіп жатқан Ұлттық мектеп лигасы аясында футзалдан ”Теңбіл доп” жарысы басталды. Жарыс 7-8 сынып оқушылары арасында Шымкент қаласында өтуде.

Өкінішке орай, жарысқа Батыс пен Шығыс Қазақстандық оқушылар ғана қатыспады. Қалған 15 өңірдің жас футболшылары ҰЛТТЫҚ МЕКТЕП ЛИГАСЫНЫҢ ЧЕМПИОНЫ атану үшін өзара сайысқа түседі.

Лига ойындары - оқушылардың ерекше қызығушылығына ие болған жоба. 10 спорт түрінен 41 жарыс өткізілетін Ұлттық мектеп лигасы оқушылар спортын дамытуға бағытталған. Аталмыш жарыстардың республикалық кезеңі 1 сәуірден басталып 8 шілде аралығында өткізіледі. Айта кетейік, лиганың 1-кезеңі мектепішілік іріктеу жарыстарына 1 946 371 оқушы қатысқан. Өткен жылмен салыстырғанда ҰМЛ қатысушыларының саны 11,7%-ға артқан.