ҚР Білім және ғылым министрлігінің «Ұлттық ғылыми-практикалық дене тәрбиесі орталығының» ұйымдастыруымен «Дене тәрбиесі мұғалімдерінің кәсіби  құзыреттілігі мен тәжірибесін жетілдіру» тақырыбында ақпан айында курс өтті.

Курсқа Орталық директорының бұйрығы негізінде 114  мұғалім қабылданды, оның ішінде: 84 ер,   30 әйел мұғалім; 95 мұғалім жоғары білімді, қалған 19-ы арнайы орта білімге ие. Осы лауазымдағы жұмыс өтілі бойынша 1 жылға дейін – 12; 3 жылға дейін – 7; 3 жылдан 5 жылға дейін – 12; 5 жылдан 20 жылға дейін – 53; 20 жылдан аса – 30 мұғалім. Айта кетейік, Шымкент қаласы және Ақтөбе, Маңғыстау, Жамбыл облыстарының мұғалімдері қатысқан жоқ. Қалған аймақтар бойынша мәлімет кестеде көрсетілді.

Дене шынықтыру мұғалімдеріне арналған 80 сағат көлеміндегі «Дене тәрбиесі мұғалімдерінің кәсіби  құзыреттілігі мен тәжірибесін жетілдіру» курсы 28 наурыз – 8 сәуір аралығында  тағы да өткізіледі. Курстар ZOOM платформасында онлайн форматта өткізіледі. Қосымша ақпаратты 8-702-226-33-77 / 8-747-603-39-36 / 8-777-600-30-15 нөмірі бойынша алуға болады.