Садықов Сағдат Кәбірұлы

ҚР ОАМ  " Ұлттық ғылыми-практикалық дене тәрбиесі орталығы" РМҚК бас директоры

Садықов Сағдат Кәбірұлы - 1973 жылы 29 шілде ШҚО, Үржар ауданы, Жарбұлақ ауылынды дүниеге келген.

1994 жылғы Туризм және спорт академиясының түлегі.

Еңбек жолын 1995 жылдың шілде айында, Алматы қаласында дзюдодан ҚР штаттық ұлттық құрамасының нұсқаушы-спортшысы болып бастаған. 1997 жылдан бастап – Алматы қаласындағы ҚР Жастар ісі, туризм және спорт министрлігі штаттық ұлттық командалар дирекциясының спортшы-нұсқаушысы.

1996 жылы Канадада өткен студенттер арасындағы Әлем чемпионатында жеңіл салмақта қола медаль иегері атанды.

Екі жазғы Олимпиада ойындарының қатысушысы, Азия чемпионатының күміс медалінің иегері, Осакадағы Шығыс Азия ойындарының және Душанбедегі Орталық Азия ойындарының қола жүлдегері, ұлттық және халықаралық турнирлердің жеңімпазы.

Сәтті өнер көрсетулердің арқасында  2000 жылы Сиднейде өткен жазғы Олимпиада ойындарында өнер көрсету құқығына ие болды. Сидней Олимпиадасынан кейін  Қазақстанның дзюдошылар командасының құрамына оралып, ірі халықаралық турнирлерге қатысуды жалғастырды.  

Халықаралық деңгейде алғашқы маңызды жетістікке 2001 жылы жапон Осакасындағы Шығыс Азия ойындарына барған кезде қол жеткізді,  жеңіл салмақ дәрежесінде қола жүлдесін жеңіп алды. Сонымен қатар, студент кезінде осы маусымда Бейжіңдегі жазғы Универсиадада өнер көрсетіп, өзінің салмақтық дивизионында бесінші орынға ие болды.

2002 жылы Прагадағы Әлем Кубогы бесінші орын иегері, Алматыда Санджар Жандосов турнирінде және Назраниде Магомед Парчиевтің мемориалдық турнирінің жүлдергері, Пусан қаласындағы Азия ойындарында жетінші орын иегері, келесі жылы жеңіл салмақ дәрежесінде Қазақстан чемпионатынының жүлдегері, Душанбеде өткен Орталық Азия ойындарында қола медаль иегері. Бір жылдан кейін Алматыда өткен Азия чемпионатының күміс жүлдегері.

2009 жылы "Өскемен қаласының дене шынықтыру және спорт бөлімі" ММ бастығы болып тағайындалған. 2019 жылы "Ұлттық ғылыми-практикалық дене тәрбиесі орталығы" РМҚК бас директорының орынбасары лауазымына тағайындалды. 2022 жылдың 26 қазанынан бастап Орталықтың бас директоры қызметін атқарып келеді.